Thoda dheere hi sahi, par bulandiyon ko mein bhi sehlaunga.,
Tootte taaron k beech, ek chamak apni jagaunga.,
Chahe laakh mile thokre, mile dagabaazi mouke.,
Par dusron ki rakhi neev par apna ghar kabhi na banaunga…
Kehte hain har cheez ka sahi waqt hota hai.,
Par apna sahi waqt mein khud launga.,
Aray, mehnat k bina toh ek pathar nahi hilta.,
Fir naseeb ko koske mein kounsa aashiyana sajaunga…
Dil me jigar aur aankhon mein sholon ki barsaat leke.,
Apni marziyon ko khuda se bhi manzur karwaunga.,
Mein yuva peedhi ka hissa hu, rukna nahi seekha hai maine.,
Sirf apne balbute par aage hi aage badhta jaunga…
